أسامة الخليفي لرئيس الجمهورية:" هانا ڤاعدين نتفرجو على انجازاتكم كيف تكملو عبثكم قولولنا". (صور)

كتب رئيس المجمد بالبرلمان عن حزب قلب تونس و الهارب بفرنسا، أيام الخليفي على صفحته الرسمية بموقع التواصل الاجتماعي فايسبوك اليوم الجمعة 18 مارس 2022، مايلي :

جهابذة الخراب قالولنا التوافق التعايش الحوار خيانة

الحل في حرب الكل ضد الكل والاقصاء والحقد نعم هو حل لارضاء نرجسيتهم وحساباتهم الشخصية  على حساب تونس وشعبها، الواقع الحقيقة الشرعية الاستفتاء الحقيقي. 

الذي سيبقى الباقي كلو تحيل وغورة باش ما نقولش منامة عتارس وأماني لن تتحقق  وأعي ما أقول  ، لنا ان الحوار هو الحل ما حبيتوش إخترتو العنطزة والقوة والعرك والمعروك قال شنوة التوافق والتعايش خايب وخيانة وماحاجتناش بيه تحملو المسؤولية بكل شجاعة يزي من الجبن والبكائيات ومن الشهاوي  والعبث. 

تو فاقو قال شنوة يحبو يقاومو الفقر والمجاعة وخايفين مالي باش يصير  …بشنوة بالحقد والانقسام والدمغجة والكذب والانقلابات والخطاب المتشنج وانعدام الثقة الي زرعتوه في كل تركينه من تراب تونس ودولتها وهو ما سيتسبب في إلي نبهناكم منو اي انهيار على كل الأصعدة وقتها كنتو شايخين على بطولاتكم وانجازاتكم متع شكون يسب أكثر وشكون ينفي المنافس متعو اكثر لا واعتبار ذلك برنامج انقاذ الشعوب المتقدمة تتفق على قواعد العيش المشترك بين المتنافسين وتسطر الاولويات التي تخدم الشعب وتبحث على مناخات الاستقرار واحنا الجهابذة متعنا يرون ان الحل في حرب الكل ضد الكل وفي هدم ماسبق وكل واحد وشهوتو.. 

 هانا ڤاعدين نتفرجو على انجازاتكم كيف تكملو عبثكم قولولنا".